Saşa Stamenkoviç 20 illiyin ən yaxşıları arasında

23.02.2012 - 11:33

Şərqi Avropanın ən titullu klublarından olan Serbiyanın “Srvena Zvezda” komandasının ən yaxşı qapıçılarının siyahısı açıqlanıb. Apasport.az saytının məlumatına görə, 1991-ci ildə Çempionlar Kubokunu (indiki Çempionlar Liqası) qazanan Belqrad təmsilçisinin son 20 il üçün ən yaxşı qapıçısını müəyyənləşdirmək üçün sorğu keçirilib.

1991-2011-ci illəri əhatə edən dövrün ən yaxşıları arasında hazırda “Neftçi”nin şərəfini qoruyan Saşa Stamenkoviç də var. Cəmi 0,4 faiz səs toplayan qolkiper 7-ci pillədə qərarlaşıb.

“Srvena Zvezda”nın ölkəmizdə oynayan digər təmsilçisi – “Qarabağ”ın üzvü Boyan Pavloviç isə siyahıya düşə bilməyib. Əvəzində adı “Xəzər Lənkəran”la yanaşı hallanan Vladimir Stoykoviç 6-cı mövqedədir. Hərçənd o, “Srvena Zvezda”dan sonra legioner həyatı yaşayıb və indi prinsipial rəqib “Partizan”ın formasını geyir.

Qeyd edək ki, sorğunun qalibi 1988-1997-ci illərdə - Belqrad təmsilçisinin qızıl dövründə komandanın qapıçısı olan Zvonko Miloyeviç aşkar qalib gəlib.

1.	Zvonko Miloyeviç	51.9%
2.	Vladimir Dişlenkoviç	24.4%
3.	Draqoslav Yevriç	11.5%
4.	Aleksandar Kociç	4.7%
5.	Boban Bayković	3.8%
6.	Vladimir Stoykoviç	3.1%
7.	Saşa Stamenkoviç	0.4%
8.	İvan Ranceloviç	0.2%