“Qəbələ”nin kapitanı Mahir Şükürov Azərbaycan milli komandasının heyətindəki uğurlu çıxışı ilə diqqət mərkəzinə düşüb. Apasport.az-ın Qəbələ təmsilçisinin rəsmi saytına istinadən məlumatına görə, yığmanın Dubayda təşkil olunmuş təlim-məşq toplanışında meydançaya çıxdığı hər iki oyunda – Sinqapur və Hindistanla qarşılaşmalarda fərqlənən Şükürov millidə vurduğu qolların sayını 3-ə çatdırıb.

Maraqlıdır ki, yığmanın heyətində 56 dəfə meydançaya çıxan Mahir keçirdiyi son 4 oyundan 3-də fərqlənib. “Qəbələ”nin kapitanı ilk qolu aktivinə Avro-2012-nin seçmə mərhələsi çərçivəsində Qazaxıstana (3:2) qarşı Bakıda keçirilən görüşdə yazmışdı və Azərbaycanın asiyalılar üzərində qələbəsində böyük pay sahibi olmuşdu.

Mahir Türkiyə ilə səfər matçında qol vura bilməsə də, 2012-ci ilin ilk rəsmi qarşılaşmasında – Sinqapurla oyunda (2:2) “qol orucu”nu pozdu. Milli komandanın Hindistanı 3:0 hesabilə məğlub etdiyi matçda da Şükürov meydançanı “əliboş” tərk etmədi.

	Oyun	Start heyətində	Kapitan	Dəq	Qol	Penalti/dəqiq	Sarı	Qır
CƏMİ	56	50	3	4441	3	2/2	11	-
DÇ-2006	9	8	-	735	-	-	3	-
AÇ-2008	-	-	-	-	-	-	-	-
DÇ-2010	8	8	1	720	-	-	2	-
AÇ-2012	7	7	-	630	1	1/1	2	-
SEÇMƏ MƏRHƏLƏLƏRDƏ	24	23	1	2085	1	1/1	7	-

Qeyd edək ki, Mahir Şükürov karyerası ərzində vurduğu hər 3 qol standart vəziyyətlərdən reallaşıb – 2 penalti (Qazağıstan, Hindistan) və 1 cərimə zərbəsi (Sinqapur).

• Premyer Liqada baş məşqçi ayrılığı
• "Neftçi" – "Qarabağ" matçı bu kanalda - TV AFİŞA
• Həftənin futbolçusu adına namizədlər bəlli oldu
• Kadıoğlu “Yunayted”in hədəfində
• Mudrikə 4 illik diskvalifikasiya