“Mən bu şəkli internetdə qoyduğuma görə günahkaram”. Apasport.az saytının məlumatına görə, bu sözləri Azərbaycan milli komandasının qapıçısı Andrey Popoviç deyib.

Ukraynalı qapıçı digər milliləşdirilən legionerlər – həmyerliləri Vladimir Levinlə Aleksandr Çertoqanov, serbiyalı Branimir Subaşiç, türkiyəli Ufuk Budakla birgə Sinqapur yığması ilə 2:2 hesablı heç-heçə etdiyimiz yoldaşlıq görüşündən sonra əllərində siqaret və spirtli içki əyləniblər.

Popoviç internetdə çıxan bu fotoya görə üzülür: “Bu şəkli internetə yerləşdirməklə, komanda yoldaşlarımı pis vəziyyətə qoydum. Mən komanda qarşısında üzr istədim. Baş məşqçi bizi cəzalandırmaqla düz edib”.

Qeyd edək ki, yığmamızın baş məşqçisi Berti Foqts həmin 5 futbolçunu dünən məşqdən sonra meydanda qaçırtmaqla cəzalandırıb, Hindistanla matçda adlarını 18 nəfərlik iştirak ərizəsinə daxil etməyib.

• Premyer Liqada baş məşqçi ayrılığı
• "Neftçi" – "Qarabağ" matçı bu kanalda - TV AFİŞA
• Həftənin futbolçusu adına namizədlər bəlli oldu
• Kadıoğlu “Yunayted”in hədəfində
• Mudrikə 4 illik diskvalifikasiya