"Xəzər Lənkəran" martın 3-də "Sumqayıt"a qarşı səfərdə baş tutacaq Premyer Liqanın XXII tur oyununa hazırlıq məqsədilə sabah Bakıya gəlir. Apasport.az saytının məlumatına görə, komanda "Happy İnn" otelində məskunlaşaraq toplanış keçirəcək.

Azərbaycan milli komandasının düşərgəsini səhhətində problem olduğuna görə vaxtından tez tərk edən Elnur Allahverdiyevdən başqa "Xəzər Lənkəran"ın heyətində zədəli oyunçu yoxdur. "Sumqayıt"la oyuna qədər Elnur tibbi müayinədən keçəcək və onun həmin görüşdə çıxış edə bilib-bilməyəcəyı müəyyən ediləcək.

Qeyd edək ki, əyalət təmsilçisi Bakıdakı hazırlığı artıq baş məşqçi Cüneyt Biçərin rəhbərliyi altında keçirəcək. Biçər AFFA-nın dəvətilə digər klubların məşqçiləri ilə birgə Dubayda milli komandamızın düşərgəsində idi və bu gün o artıq Bakıya qayıdıb.

Mənbə: lankaranfc.com

• Okan Burukdan İkardi paylaşımı - “Səni çox sevirik, kral”
• "Qalatasaray" İkardiylə vidalaşdı - VİDEO
• Harri Keyn: “Hamımız çox məyusuq”
• "Bavariya"nın 44 illik DÇ seriyası bitdi - "İnter" davam edir
• “Qalatasaray”dan yeni transfer