“Bakı” qalibləri mükafatlandıracaq

29.02.2012 - 18:14

“Bakı" klubu azarkeşlər və fanat qruplarına yönəlmiş daha bir müsabiqəni başa vurub. Apasport.az-ın klubun rəsmi saytına istinadən məlumatına görə, ötən ay başa çatan "Ən yaxşı şəkil" müsabiqəsinin ardından keçirilən "Ən yaxşı şüar" müsabiqəsinə yüzlərlə tərəfdar qatılıb. Bir ay ərzində facebook sosial şəbəkə çərçivəsində davam edən "Ən yaxşı şüar" müsabiqəsi artıq başa çatıb. Aşıq səsvermə nəticəsində qaliblər müəyyən olunub.

Konkursun qalibləri və ən çox səs toplayan şüarları təqdim edirik:

Göndərdi: Emin Hafizoğlu

Əzmkardır “Bakı”mız,
Ona qurban canımız...
Qoy ucalsın dünyada
Üç rəngli bayrağımız
“Bakı”nın sayəsində...

Göndərdi: Miriş Həbibli

Neyləyim cibimdəki milyon dolları,
sən çempion olmayınca,
bəzən sevinc, bəzən kədər,
səni sevdim ölənə qədər.
BAKI, BAKI !!!

Göndərdi: Rauf Iskenderov

"Klublarin qənimisen, rəqiblərin - göz yaşi!
Sənsən menim urəyim və canim menim
"BAKI"!

Göndərdi: FC Baku marketinq qrupu

Bakımız zirvələrə daşıyacaq hər kəsi
London, Münhen gözləsin:
Gəlir "Bakı"nın səsi ))))

Göndərdi: Perviz Quliyev

Sağ – Sol, Bakı qol. Sağ – Sol, Bakı qol.
Sağ – Sol, Bakı qol.Hər zaman birinci ol.

"Bakı" təbrik etdiyi qaliblərə hədiyyələri Premyer Liqamızın növbəti turunun “İnter”lə ev oyununun fasiləsində təqdim edəcək. Martın 3-də klubun təlim-məşq bazasının meydançasında keçiriləcək matç saat 14:30-da başlayacaq.