“Fələstin yığması bundan əvvəl Dubayda görüşdüyümüz rəqiblərdən yaxşı təsir bağışladı. Ancaq bu, uduzulası oyun deyildi”. Apasport.az saytının Dubaya ezam olunmuş əməkdaşının məlumatına görə, bu fikirləri Azərbaycan milli komandasının futbolçusu Rəşad Sadiqov deyib.

Yarımmüdafiəçi millimizin bu gün Fələstin yığmasına 0:2 hesabı ilə uduzduqları oyunda məğlubiyyətini əsasən yorğunluqla əlaqələndirib: “Komandamızda yorğunluq vardı, sanki qola qədər yatmışdı. Sonra ayıldılar, oynamağa başladılar. 5 günə 3 oyun keçirmək doğrudan da çətin məsələdir. Bəlkə oyunlar arasında çox vaxt olsaydı, qalib gələ bilərdik”.

Rəşad belə rəqibə məğlubiyyəti biabırçılıq saymır: “Niyə biabırçılıq olmalıdır? Türkiyə yığması bizdən 100 pillə irəlidə idi, ancaq onlara qalib gəldik. Hər ildə kimdəsə bir sensasiya olur. Ola bilsin ki, bu da Fələstin yığmasının yazdığı sensasiyadır. Belə məğlubiyyət hər kəsin başına gələ bilər”.

• Okan Burukdan İkardi paylaşımı - “Səni çox sevirik, kral”
• "Qalatasaray" İkardiylə vidalaşdı - VİDEO
• Harri Keyn: “Hamımız çox məyusuq”
• "Bavariya"nın 44 illik DÇ seriyası bitdi - "İnter" davam edir
• “Qalatasaray”dan yeni transfer