Amit Quluzadə 15 dəqiqə oynadı

05.03.2012 - 09:33

Türkiyə çempionatının Bank Asiya I Liqasında XXIV turun oyunları keçirilib. Apasport.az saytının məlumatına görə, Azərbaycan milli komandasının futbolçusu Amit Quluzadənin çıxış etdiyi “Ərciyəsspor” klubu öz meydanında “İstanbul Güngörənspor”la qarşılaşıb. Həmyerlimizin komandası bu matçda 2:0 hesabı ilə qalib gəlib. Amit oyunun 75-ci dəqiqəsində Serkan Atakı əvəzləyərək meydana çıxıb. Onun oyunu Türkiyə mətbuatı tərəfindən 2 ulduzla qiymətləndirilib.

Qeyd edək ki, 24 oyundan sonra hesabında 36 xal olan “Ərciyəsspor” 6-cı pillədə qərarlaşıb.