“Xəzər Lənkəran” 2011/12 mövsümünün təsnifat mərhələsində son oyununu “Turan”a qarşı keçirəcək. Apasport.az-ın “ağ-yaşıllar”ın rəsmi saytına istinadən məlumatına görə, Tovuz təmsilçisi cənublular üçün kifayət qədər asan rəqib sayılır.

2004-cü ildə yarandıqdan sonra ilk rəsmi görüşünü bu rəqibə qarşı keçirən “Xəzər Lənkəran” həmin vaxtdan 15 dəfə Tovuz təmsilçisi ilə üz-üzə gəlib. Bu oyunların hamısı Azərbaycan çempionatı çərçivəsində olub və “Xəzər Lənkəran”ın aşkar üstünlüyü ilə keçib.

15 matçda 11 qələbənin qazanılması və cəmi 1 məğlubiyyətin gerçəkləşməsi də bundan xəbər verir. Həmin yenilgi də 7 il əvvələ təsadüf edib. Uzaq 2005-ci ildəki həmin məğlubiyyət həm də səfərdəki son xal itkisi kimi tarixə düşüb. Ondan sonra Tovuz təmsilçisi ilə rəqib meydanında baş tutan bütün görüşlərdə bir qalıb olub – “Xəzər Lənkəran”.

Baş tutan 15 qarşılaşmada 11 qələbə qazanıb, 3 heç-heçə edib, 1 dəfə uduzan “Xəzər Lənkəran” rəqib qapısına 28 qol vurub, cəmi 8-ni buraxıb.

“Turan”la bütün oyunlar

2004/05	07.08.2004	çempionat	səfərdə	1:1
2004/05	06.04.2005	çempionat	evdə	1:0
2005/06	11.12.2005	çempionat	səfərdə	0:1
2005/06	14.05.2006	çempionat	evdə	1:0
2006/07	23.09.2006	çempionat	evdə	0:0
2006/07	12.05.2007	çempionat	səfərdə	3:2
2007/08	16.09.2007	çempionat	evdə	2:0
2007/08	27.04.2008	çempionat	səfərdə	4:0
2008/09	13.09.2008	çempionat	evdə	5:0
2008/09	21.02.2009	çempionat	səfərdə	1:0
2009/10	12.09.2009	çempionat	evdə	1:1
2009/10	13.12.2009	çempionat	səfərdə	2:1
2010/11	23.10.2010	çempionat	evdə	2:0
2010/11	04.12.2010	çempionat	səfərdə	2:1
2011/12	20.08.2011	çempionat	evdə	3:1

• Günün canlı yayımlanacaq matçları - TV AFİŞA
• A Seriyasını tərk edəcəklər
• A Seriyası: Aprel ayının ən yaxşısı bəlii oldu
• İkardi “Qalatasaray”dan ayrıla bilər - Səudiyyə Ərəbistanı və Braziliyadan təkliflər var
• Reşford Premyer Liqa klubunun hədəfində