Bu gün “Qəbələ” “Kəpəz”in qonağı olacaq. Apasport.az-ın klubun rəsmi saytına istinadən məlumatına görə, Premyer Liqanın XIX turundan təxirə salınmış bu oyun komandalar arasında 6-cı duel olacaq. İndiyədək 5 dəfə üz-üzə gələn komandalar yalnız Premyer Liqa oyunlarında münasibətlərini ayırd ediblər.

“Qəbələ”nin “Kəpəz”lə ilk oyunu ötən mövsümə təsadüf edib. Həmin vaxt “Gəncə” adlanan komanda 2 dəfə təsnifat, 2 dəfə final mərhələsində “Qəbələ”yə rəqib olub. Maraqlıdır ki, 4 matçın heç birində qalib müəyyənləşməyib. Həm də bərabərliklərin 3-də qapılara qol da vurulmayıb. Komandaların oyunlarındakı tarazlıq yalnız cari mövsümdə pozulub. Ardıcıl 4 heç-heçədən sonra “Qəbələ” öz meydanında ilk qələbəsini qazanıb.

Cari mövsümdən tarixi adına qovuşan “Kəpəz” isə indiyədək “Qəbələ” üzərində qələbə qazanmayıb. Baş tutan 5 oyunda cəmi 1 qol vuran gəncəlilər buna da səfərdə nail olub. 3-cü dəfə öz meydanında “Qəbələ”ni qəbul edəcək “Kəpəz” öz meydanında qola da həsrətdir.

Qeyd edək ki, “Qəbələ” 1 qələbə qazanıb, 4 heç-heçə etdiyi qarşılaşmalarda 3 qol vurub, 1-ni buraxıb.

“Kəpəz”lə bütün oyunlar

2010/11	31.10.2010	Premyer Liqa	Gəncə - Qəbələ	0:0
2010/11	27.02.2011	Premyer Liqa	Qəbələ - Gəncə	0:0
2010/11	02.04.2011	Premyer Liqa	Qəbələ - Gəncə	1:1
2010/11	12.05.2011	Premyer Liqa	Gəncə - Qəbələ	0:0
2011/12	16.10.2011	Premyer Liqa	Qəbələ - Kəpəz (Gəncə)	2:0

• Günün canlı yayımlanacaq matçları - TV AFİŞA
• A Seriyasını tərk edəcəklər
• A Seriyası: Aprel ayının ən yaxşısı bəlii oldu
• İkardi “Qalatasaray”dan ayrıla bilər - Səudiyyə Ərəbistanı və Braziliyadan təkliflər var
• Reşford Premyer Liqa klubunun hədəfində