Azərbaycan futzal yığması asan gəzintiyə çıxır. Apasport.az saytının məlumatına görə, DÇ-2012-nin pley-off mərhələsinin Rusiya ilə oyunlarına hazırlaşan komandamızın Türkiyə ilə keçirəcəyi yoxlama matçlarını belə adlandırmaq olar.

Çünki İstanbulda baş tutacaq 2 görüşədək millimiz heç vaxt “ay-ulduzlular”a uduzmayıb. İndiyədək 7 dəfə baş tutan Azərbaycan – Türkiyə oyunlarının 6-da qələbəni məhz bizim futzalçılar qazanıb. Yeganə heç-heçə isə bu il keçirilən Bakı Beynəlxalq Futzal Turnirinin sonuncu, artıq o qədər də əhəmiyyət kəsb etməyən III turunda qeydə alınıb.

Həmin qarşılaşmada uduzmayacağı halda 2-ci yeri tutacağı dəqiqləşən Alesionun yetirmələri türklərin 1 xal qazanmaqla, 3-cü olmasına maneçilik törətməmişdi.

26.12.2006	Azərbaycan – Türkiyə - 4:2	(Yoldaşlıq oyunu)
27.12.2006	Azərbaycan – Türkiyə - 5:2	(Yoldaşlıq oyunu)
19.02.2007	Türkiyə - Azərbaycan – 4:6	(Yoldaşlıq oyunu)
25.09.2007	Türkiyə - Azərbaycan – 4:5	(İzmir-2007 turniri)
21.02.2008	Azərbaycan – Türkiyə - 4:2	(Yoldaşlıq oyunu)
21.12.2009	Azərbaycan – Türkiyə - 4:3	(Bakı Beynəlxalq Futzal Turniri)
16.01.2012	Azərbaycan – Türkiyə - 2:2	(Bakı Beynəlxalq Futzal Turniri)

Qeyd edək ki, bu dəfəki görüşlər martın 15-16-da keçiriləcək.

• Günün canlı yayımlanacaq matçları - TV AFİŞA
• A Seriyasını tərk edəcəklər
• A Seriyası: Aprel ayının ən yaxşısı bəlii oldu
• İkardi “Qalatasaray”dan ayrıla bilər - Səudiyyə Ərəbistanı və Braziliyadan təkliflər var
• Reşford Premyer Liqa klubunun hədəfində