Kuboku ən çox qazananların yubiley görüşü

13.03.2012 - 10:14

Martın 14-də Azərbaycan kubokunda ¼ final mərhələsinə start veriləcək. Apasport.az saytının məlumatına görə, bu mərhələnin iştirakçılarının balansları tərtib olunub. Burada komandaların indiki və əvvəlki adları altında yalnız kubok oyunları əks olunub.

1/4 final, ilk oyunlar
14 mart (çərşənbə)

“Bakı” - AZAL
+1=1-0, top fərqi – 3:0
Tarixlərində 2-ci dəfə kubokda üz-üzə gələn paytaxt təmsilçilərinin derbisində sevinən “Bakı” olmuşdu. Paytaxtın eyniadlı komandası 2 görüşdə qapısından qol buraxmamaqla mərhələ adlamışdı.

2005/06 1/8 final Olimpik (Bakı) - Bakı 0:0, 0:3

"Qəbələ" - "Qarabağ" qarşılaşmayıblar.
İndiyədək kubok yarışlarında qarşılaşmayan rəqiblər ilk dəfə üz-üzə gələcək.

“İnter” – “Xəzər Lənkəran”
+1=2-3, top fərqi 4-7
Artıq 4 dəfə üz-üzə gələn rəqiblər baş tutan 4 duel ərzində 6 dəfə üz-üzə gəliblər. Son 3 qarşıdurmadan qalib ayrılan “Xəzər Lənkəran” olub ki, bunların 3-də də sonda kuboka yiyələnib.

2004/05 1/2 final İnter (Bakı) - Xəzər-Lənkəran 2:1, 1:1
2006/07 1/2 final İnter (Bakı) - Xəzər-Lənkəran 0:1, 0:1
2007/08 final Xəzər-Lənkəran - İnter (Bakı) 2:0, əlavə vaxtda
2010/11 final Xəzər Lənkəran - İnter (Bakı) 1:1, pen. 4:2

"Kəpəz" - "Neftçi"
+4=1-4, top fərqi – 8:11

6-cı dəfə güclünü müəyyənləşdirməli olan “Kəpəz”lə “Neftçi” kubokda yubiley – 10-cu matçda üz-üzə gələcəklər. Əvvəlki oyunlarda eyni sayda qələbə qazanan komandaların duellərində maraqlı tendensiya yaşanır. “Kəpəz” yarımfinallarda, “Neftçi” isə buna qədərki mərhələlərdə rəqibini mübarizədən kənarlaşdırır. Üstəlik, son 3 matçda “Neftçi” qalib gəlib.

1995/96 1/4 final Kəpəz (Gəncə) - Neftçi (Bakı) 1:0, 0:2
1997/98 1/2 final Neftçi (Bakı) - Kəpəz (Gəncə) 1:2, 1:2
1999/2000 1/2 final Kəpəz (Gəncə) - Neftçi (Bakı) 1:0, 0:0
2000/01 1/4 final Neftçi (Bakı) - Kəpəz (Gəncə) 1:0, 3:1
2010/11 1/8 final Gəncə - Neftçi (Bakı) 1:3

Qeyd edək ki, “Kəpəz”lə “Neftçi” ölkə kubokunu ən çox qazanan (hərəyə 4 dəfə) komandalardır.