“Bavariya”nın futbolçusu Mario Qomes Çempionlar Liqası tarixində pokerə imza atan 8-ci futbolçu olub. Apasport.az saytının məlumatına görə, “Bazel”lə (İsveçrə) 1/8 final mərhələsinin cavab oyununda 4 qol vuran hücumçu cari mövsüm buna nail olan 2-ci futbolçu kimi tarixə düşüb.

1992-ci ildən yeni ad və formatla keçirilən ÇL-də daha 4 poker təsnifat mərhələsində olub. Bunların müəllifi Sergey Rebrov (“Dinamo”, Ukrayna), Penya (“Portu”, Portuqaliya), Tomaş Frankovski (“Visla”, Polşa) və Semih Şəntürkldür (“Fənərbaxça”, Türkiyə).

1955-1992-ci illərdə keçirilən Çempionlar kubokunda isə 36 poker qeydə alınıb. Maraqlıdır ki, ÇL-ə qədər ən sonuncu pokerin müəllifi bu yaxınlarda Zaqatalanın “Simurq” klubunun baş məşqçi postundan istefa verən Sergey Yuranın adı ilə bağlıdır. Portuqaliya “Benfika”sında çıxış edən hücumçu 1991/92 mövsümündə Malta təmsilçisi “Hamrun Spartans”ın qapısına 4 qol vurmuşdu.

ÇL-in bütün pokerləri

1992/93. Marko van Basten (“Milan”, İtaliya) “Höteborq” (İsveç), qrup mərhələsi


1999/2000. Simone İnzaqi (“Latsio”, İtaliya) “Marsel” (Fransa), II qrup mərhələsi


2003/04. Dado Prşo (“Monako”, Fransa) “Deportivo” (İspaniya), qrup mərhələsi


2004/05. Ruud van Nistelroy (“Mançester Yunayted”, İngiltərə) “Sparta” (Çexiya), qrup mərhələsi

2005/06. Andrey Şevçenko (“Milan”, İtaliya) “Fənərbaxça” (Türkiyə) , qrup mərhələsi


2009/10. Lionel Messi (“Barselona”, İspaniya) “Arsenal” (İngiltərə), 1/4 final


2011/12. Bafetimbi Qomis (“Lion”, Fransa) “Dinamo” (Xorvatiya), qrup mərhələsi


2011/12. Mario Qomes (“Bavariya”, Almaniya) “Bazel” (İsveçrə), 1/8 final

• “Sportinq”də yeni müqavilə - RƏSMİ
• Günün oyunları bu kanallarda - TV AFİŞA
• Acun Ilıcalının komandası pley-offda
• Karvahal sıradan çıxdı
• “Real”ın ən yaxşısı: ARDA GÜLER