Çempionlar Liqasında belə şey olmamışdı

15.03.2012 - 10:57

Avropanın ən nüfuzlu klub turniri olan Çempionlar Liqasında yeni rekord qeydə alınıb. Apasport.az saytının məlumatına görə, 1992-ci ildə bu adla keçirilən yarışın 1/8 final mərhələsinin 16 oyununda qapılara rekord sayda 56 top vurulub.

Orta məhsuldarlığın 3,5 olmasına indiyədək təsadüf olunmamışdı. Bu rekord dünən baş tutan 2 qarşılaşmada 10 qolun vurulmasından sonra mümkün olub.

Qeyd edək ki, Çempionlar Liqası 1992-ci ildən keçirilsə də, 1/8 final mərhələsi yalnız 2003/04 mövsümündən tətbiq olunur. Bunadək 2-ci qrup mərhələsi olurdu.