“Ölkə futbolunun ən zəif, ən səviyyəsiz yeri hakimlikdir”
06.05.2012 - 09:19
“Xəzər Lənkəran” Premyer Liqanın XXXI turunda “Qəbələ” ilə keçirdiyi matçın hakimliyindən razı qalmayıb. Apasport.az saytının xəbərinə görə, qarşılaşmanın baş hakimi Rəhim Nəcəfovun idarəçiliyindən narazı qalan cənub təmsilçisinin AFFA-ya şikayət etməsi istisna deyil.
Belə ki, “Xəzər Lənkəran”ın ilk yarıda hesabı açdığı epizodda hakimlər oyundankənar vəziyyət qeydə alıblar. Bu isə “ağ-yaşıllar”ın etirazına səbəb olub. Klubun vitse-prezidenti Tuyqun Nadirov apasport.az saytına bildirib ki, həmin epizodu 4 kamera ilə izləyiblər: “Hakimlər 100 faizlik qolumuzu saymadılar. Guya ki, ofsayd vardı. Həmin epizoda dəfələrlə baxdıq. Hakimin səhv qərar verdiyi aşıq-aşkar görünür. Ümumiyyətlə, Azərbaycan futbolunun ən zəif, ən səviyyəsiz yeri hakimlikdir”.
Qeyd edək ki, “Qəbələ” ilə Lənkəranda heç-heçə (1:1) başa çatan oyunda “Xəzər Lənkəran” qələbə qazanacağı təqdirdə, gümüş medalla yanaşı Avropa Liqasına vəsiqəni rəsmiləşdirəcəkdi.
Belə ki, “Xəzər Lənkəran”ın ilk yarıda hesabı açdığı epizodda hakimlər oyundankənar vəziyyət qeydə alıblar. Bu isə “ağ-yaşıllar”ın etirazına səbəb olub. Klubun vitse-prezidenti Tuyqun Nadirov apasport.az saytına bildirib ki, həmin epizodu 4 kamera ilə izləyiblər: “Hakimlər 100 faizlik qolumuzu saymadılar. Guya ki, ofsayd vardı. Həmin epizoda dəfələrlə baxdıq. Hakimin səhv qərar verdiyi aşıq-aşkar görünür. Ümumiyyətlə, Azərbaycan futbolunun ən zəif, ən səviyyəsiz yeri hakimlikdir”.
Qeyd edək ki, “Qəbələ” ilə Lənkəranda heç-heçə (1:1) başa çatan oyunda “Xəzər Lənkəran” qələbə qazanacağı təqdirdə, gümüş medalla yanaşı Avropa Liqasına vəsiqəni rəsmiləşdirəcəkdi.
Oxşar xəbərlər
Ana səhifə
Bütün xəbərlər