Bülənt Qorxmaz yenə klubsuz qaldı

09.05.2012 - 02:11

Türkiyənin "Karabükspor" klubu baş məşqçi Bülənt Qorxmazla yollarını ayırıb. Apasport.az saytının məlumatına görə, bu barədə komandanın rəsmi saytı açıqlama yayıb.

Açıqlamada Bülənt Qorxmazla görüşən rəhbərliyin onunla yeni müqavilə imzalamaq istəmədiyi bildirilib və göstərdiyi xidmətə görə gənc mütəxəssisə təşəkkür edilib.

Qeyd edək ki, Superliqanın 10-cu turunda "Karabükspor"un baş məşqçi postuna gətirilən Qorxmazın komandası çempionatı 44 xalla 12-ci pillədə bitirib.