Dik Advokat PSV ilə 1 illik müqaviləni razılaşdırdı

10.05.2012 - 12:46

Azərbaycan milli komandasının 2014-cü il dünya çempionatının seçmə mərhələsində rəqibi olan Rusiya yığmasının baş məşqçisi Dik Advokatın yeni iş yeri dəqiqləşib. Apasport.az saytının məlumatına görə, 2012-ci il Avropa çempionatının final mərhələsindən sonra vətəninə qayıdacaq 65 yaşlı hollandiyalı mütəxəssisin PSV klubu ilə danışıqları müsbət yekunlaşıb. Advokat müqaviləni artıq razılaşdırıb ki, buna əsasən komandada yalnız 1 mövsüm keçirəcək. O, həmin 1 illik işdə köməkçiləri – Filipp Koku, yaxud Ernst Faberdən birini öz yerinə hazırlayacaq.