20-ci çempionatımızın 19-cu medalçıları: “Neftçi”nin və əyalət klublarının liderliyi

12.05.2012 - 12:54

Azərbaycanın yubiley çempionatının mükafatçıları müəyyənləşdi. Apasport.az saytının məlumatına görə, XX milli çempionatımızın qızıl, gümüş və bürünc medallarını müvafiq olaraq “Neftçi”, “Xəzər Lənkəran” və “İnter” qazandı. Bununla da ardıcıl 2-ci mövsüm ilk pillənin sahibləri dəyişməz qaldı. Yalnız 3-cü yer “Qarabağ”ı “İnter”i əvəzləyərək, tarixində ilk dəfə bürünc medalçı oldu. Bununla da son mövsümdə bürünc medalçı olan ağdamlılar həmişə iştirakçısı olduğu milli çempionatımızda 13-cü dəfə mükafatsız qaldı.

Çempionatımız 20-ci dəfə keçirilsə də, medalçılar 19 dəfə olub. Çünki 2001/02 mövsümü klublarla AFFA-nın həmin vaxt rəhbərliyi arasında münaqişə üzündən başa çatdırılmayıb. Medal sayına nəzər salsaq, ən köklü klubu olan “Neftçi” həm çempionluq, həm də ümumilikdə medal sayında hamını qabaqladığını görərik. Onun çempionluqdan biri mübahisəli olsa da, UEFA kimi Peşəkar Futbol Liqası da 1996/97 mövsümünün qalibi kimi “Neftçi”ni tanıdığından, qızılı onun hesabına yazırıq. Ancaq Bakı təmsilçisi nə qədər aşkar lider olsa da, paytaxt klubları medalların sayında əyalət təmsilçilərinə uduzur. Belə ki, Bakı komandalarının hesabında 26, paytaxtdan kənarı təmsil edənlərdən 32 medal var. Ümumiyyətlə, milli çempionatımızda 14 komanda medalçı olub. Bunlardan “Dinamo” sonradan “Bakı” adını daşıdığından, ikisi bir komanda sayılır. Bu sözləri 3 il “Qarabağ-Azərsun” adı ilə çıxış edən “Qarabağ”a da şamil etməliyik.

Azərbaycan milli çempionatının medalçıları

mövsüm	Çempion	II yer	III yer
1992	Neftçi	Xəzər	Turan
1993	Qarabağ	Xəzər	Turan
1993/94	Turan	Qarabağ	Kəpəz
1994/95	Kəpəz	Turan	Neftçi
1995/96	Neftçi	Xəzri	Kəpəz
1996/97 (AFFA versiyası)	Qarabağ	Neftçi	Xəzri
(UEFA versiyası)	Neftçi	Qarabağ	Xəzri
1997/98	Kəpəz	Dinamo	Şəmkir
1998/99	Kəpəz	Şəmkir	Neftçi
1999/2000	Şəmkir	Kəpəz	Neftçi
2000/01	Şəmkir	Neftçi	Viləş
2003/04	Neftçi	Şəmkir	Qarabağ-Azərsun
2004/05	Neftçi	Xəzər-Lənkəran	Karvan
2005/06	Bakı	Karvan	Neftçi
2006/07	Xəzər Lənkəran	Neftçi	Bakı
2007/08	İnter	Olimpik	Neftçi
2008/09	Bakı	İnter	Simurq
2009/10	İnter	Bakı	Qarabağ
2010/11	Neftçi	Xəzər Lənkəran	Qarabağ
2011/12	Neftçi	Xəzər Lənkəran	İnter

Milli çempionatımızın medalçıları olan komandalar
1. “Neftçi” (Bakı) – 14 medal: 7 qızıl, 2 gümüş, 5 bürünc
2. “Kəpəz” (Gəncə) – 6 medal: 3 qızıl, 1 gümüş, 2 bürünc
3. “Qarabağ” (Ağdam) – 6 medal: 1 qızıl, 2 gümüş, 3 bürünc
4. “Bakı” (əvvəl “Dinamo”) – 5 medal: 2 qızıl, 2 gümüş, 1 bürünc
5. “Şəmkir” – 5 medal: 2 qızıl, 2 gümüş, 1 bürünc
6. “Turan” (Tovuz) – 4 medal: 1 qızıl, 1 gümüş, 2 bürünc
7. “İnter” – 4 medal: 2 qızıl, 1 gümüş, 1 bürünc
8. “Xəzər Lənkəran” – 4 medal: 1 qızıl, 3 gümüş
9. “Xəzər” (Sumqayıt) – 2 medal: 2 gümüş
10. “Xəzri” (Bakı) – 2 medal: 1 gümüş, 1 bürünc
11. “Karvan” (Yevlax) – 2 medal: 1 gümüş, 1 bürünc
12. “Olimpik” (Bakı) – 1 medal: 1 gümüş
13. “Simurq” (Zaqatala) – 1 medal: 1 bürünc
14. “Viləş” (Masallı) – 1 medal: 1 bürünc

Mehman SÜLEYMANOV