“Qalatasaray”dan 18-ci çempionluq

13.05.2012 - 08:21

Türkiyə çempionatına yekun vurulub. Aasport.az saytının məlumatına görə, yarışın qalibi pley-off mərhələsinin son turunda müəyyənləşib. Prinsipial rəqibi “Fənərbaxça” ilə səfərdə qolsuz heç-heçə edən “Qalatasaray” 2 xal üstünlüyünü qoruyub saxlamaqla çempion titulunu qazanıb. Bununla da Fatih Terimin yetirmələri 18-ci dəfə Türkiyənin ən yaxşısı olaraq “Fənərbaxça”nın rekordunu təkrarlayıb.

Qeyd edək ki, “Qalatasaray” Çempionlar Liqasının qrup, “Fənərbaxça” isə III təsnifat mərhələsinə vəsiqə qazanıb. “Beşiktaş”, “Trabzonspor” və “Bursaspor” isə Avropa Liqasında oynayacaq.