“Qalatasaray” çempionluq kubokunu ala bilmədi

13.05.2012 - 09:45

Türkiyə çempionatı qalmaqalla başa çatıb. Apasport.az saytının məlumatına görə, pley-off mərhələsinin son turunun “Fənərbaxça” – “Qalatasaray” görüşündən sonra qalmaqal düşüb.
Oyun bitən kimi “Şükrü Saracoğlu” stadionundakı “Fənərbaxça” fanatları əllərinə gələni – kreslolara, fişənglər və başqa əşyaları meydana, rəqib futbolçularına atıblar. Polis gözyaşardıcı spreylə aranı sakitləşdirməyə çalışıb. Lakin matçın 0:0 hesabı ilə bitməsi nəticəsində çempion olan qonaqların mükafatlandırma mərasimi baş tutmayıb. Belə ki, futbolçular yalnız polislərin əhatəsində arenadan çıxarılıb.