“Bakı”ya yeni baş məşqçi gəlsə...
19.05.2012 - 23:35
“Bakı” klubunun rəhbərliyi komandaya yeni baş məşqçi təyin edərsə, bu, komandanın uğurunun meydandankənar amillərlə bağlı olduğuna dair şübhələr yaradacaq və yenicə bərpa olunmağa başlayan kollektivdaxili müsbət ab-havaya təsirsiz ötüşməyəcək”. Apasport.az-ın məlumatına görə, bu fikirlər İdman Araşdırmalar Mərkəzinin yaydığı bəyanatda əksini tapıb.
Sənəddə bildirilir ki, mayın 17-də keçirilmiş futbol üzrə Azərbaycan Kubokunun final matçında “Bakı” komandası “Neftçi” üzərində layiqli qələbə qazanıb. Sözsüz ki, 2:0 hesablı qələbədə klubun hər bir üzvü ilə yanaşı, baş məşqçi səlahiyyətlərini icra edən Novruz Əzimovun böyük xidmətləri var. Məhz N.Əzimovun təyinatından sonra komandanın sərgilədiyi oyunda dönüş baş verib, bir sıra vacib qələbələr əldə olunub.
Lakin nədənsə, klub rəhbərliyi baş məşqçi postunu yenidən əcnəbiyə həvalə etmək niyyətindədir. “Bakı” rəsmilərinin açıqlamaları və son zamanlar yayılan xəbərlərə əsasən, komandanın sükanı arxasına yeni baş məşqçinin gətiriləcəyini güman etmək olar. Bu isə baş məşqçi karyerasında ilk titulunu əldə edən N.Əzimovun əməyinə biganə münasibətin əyani göstəricisi sayıla bilər.
Qeyd edək ki, eyni hal 2010-cu ildə də baş vermişdi. O vaxtkı baş məşqçi əvəzi Cüneyt Biçər qısa müddətdə komandaya ölkə kubokunu qazandırsa da, Vinfrid Şaferlə əvəzlənmişdi. Amma nə almaniyalı mütəxəssis, nə də onun yerinə təyin olunan Aleksandr Starkov “Bakı”nı üzləşdiyi uğursuzluq zolağından çıxara bilmişdi.
Sənəddə bildirilir ki, mayın 17-də keçirilmiş futbol üzrə Azərbaycan Kubokunun final matçında “Bakı” komandası “Neftçi” üzərində layiqli qələbə qazanıb. Sözsüz ki, 2:0 hesablı qələbədə klubun hər bir üzvü ilə yanaşı, baş məşqçi səlahiyyətlərini icra edən Novruz Əzimovun böyük xidmətləri var. Məhz N.Əzimovun təyinatından sonra komandanın sərgilədiyi oyunda dönüş baş verib, bir sıra vacib qələbələr əldə olunub.
Lakin nədənsə, klub rəhbərliyi baş məşqçi postunu yenidən əcnəbiyə həvalə etmək niyyətindədir. “Bakı” rəsmilərinin açıqlamaları və son zamanlar yayılan xəbərlərə əsasən, komandanın sükanı arxasına yeni baş məşqçinin gətiriləcəyini güman etmək olar. Bu isə baş məşqçi karyerasında ilk titulunu əldə edən N.Əzimovun əməyinə biganə münasibətin əyani göstəricisi sayıla bilər.
Qeyd edək ki, eyni hal 2010-cu ildə də baş vermişdi. O vaxtkı baş məşqçi əvəzi Cüneyt Biçər qısa müddətdə komandaya ölkə kubokunu qazandırsa da, Vinfrid Şaferlə əvəzlənmişdi. Amma nə almaniyalı mütəxəssis, nə də onun yerinə təyin olunan Aleksandr Starkov “Bakı”nı üzləşdiyi uğursuzluq zolağından çıxara bilmişdi.
Oxşar xəbərlər
Ana səhifə
Bütün xəbərlər