35-ci məğlubiyyət

20.10.2012 - 09:48

17 yaşadək futbolçulardan ibarət Azərbaycan milli komandası Aropa çempionatının seçmə mərhələsinə məğlubiyyətlə başlayıb. Apasport.az saytının məlumatına görə, Bolqarıstanda mübarizə aparan Təbriz Həsənovun yetirmələrinin İspaniya ilə qarşılaşmadakı yenilgisi yubiley xarakteri daşıyıb.

Belə ki, 18 ildir qitə çempionatlarına qatılan yığmamız 35-ci dəfə məğlub olub. Keçirdiyi 62 oyunda millimiz 14 qələbə qazanıb və 13 dəfə heç-heçmə edib. Bu matçlarda yığmamız 52 top vuraraq 108-ni buraxıb.