“Komandamın “Simurq”la qarşılaşmadakı oyunundan razı qaldım. Xüsusilə də oyunumuzdakı inkişaf məni sevindirir”. Apasport.az saytının məlumatına görə, bu sözləri Rumıniyanın “Petrolul” klubunun baş məşqçisi Kosmin Kontra deyib.

37 yaşlı mütəxəssis Türkiyənin Antalya şəhərindəki təlim-məşq toplanışı çərçivəsində Zaqatalanın “Simurq” klubu ilə baş tutan yoxlama oyunundan razı qalıb: “Qəbələ”yə uduzduğumuz qarşılaşma ilə müqayisədə müşayiət olunan irəliləyişdən özümü xoşbəxt sayıram. Əslində, mən bunu gözləyirdim də. Çünki hazırlıqlarda bir az dəyişiklik etməklə futbolçularda müsbət yenilənmə hiss etdim. Bu qarşılaşmada qələbəyə layiq idik. Görüşün əvvəlindən sonuna kimi meydanda biz dominantlıq edirdik”.

Qeyd edək ki, “Petrolul” “Simurq”la görüşdə 2:1 hesabı ilə qalib gəlib.

• ÇL: 1/4 finalın vaxtları açıqlanıb
• Ronaldo CBF prezidentliyinə namizəd olmaqdan imtina edib
• "Aston Villa" 40 ildən sonra bunu bacardı
• Türkiyəli futbolçu “Fənər”dən ayrıla bilər
• “Yunayted”in futbolçusu zədəsini sağaldıb