“Rubin” klubuna transferi gündəmdə olan Azərbaycan yığmasının müdafiəçisi Ruslan Abışov, qardaşı Sərxan Abışovla birgə yetirməsi olduğu “Neftçi”nin bazasında olub. Apasport.az-ın “ağ-qaralar”ın rəsmi saytına istinadən məlumatına görə, Kazan təmsilçisinin düşərgəsinə yollanmamışdan öncə doğma komandasına baş çəkən futbolçu klub rəhbərliyi ilə görüşüb.

Görüşdə o, “Neftçi”nin yetirməsi olduğunu və futbolu burada öyrəndiyini vurğulayıb. Ruslan Abışov əldə etdiyi nailiyyətlərə görə “Neftçi”yə borclu olduğunu da deyib: “Əgər futbolda nəyəsə nail olmuşamsa, bunu “Neftçi”yə borcluyam. Komandadan ayrılsam da klub rəhbərliyi və burada çalışan insanlarla mütəmadi əlaqə saxlayıram. “Neftçi” ilə ardıcıl 2 il çempionluq yaşamışam. Mənim ən böyük nailiyyətlərim bu klubun adı ilə bağlıdır. Mən doğma klubumdan halallıq almamış yola çıxa bilməzdim”.

Görüşün sonunda "Neftçi"nin heyətində çempionluq yaşamış Ruslan Abışova ötən mövsümün qızıl medalı təqdim olunub.

• “Hull Siti” PREMYER liqada!
• “Çelsi”nin yeni transfer hədəfi: BARKO
• Türkiyə Superkuboku: Cütlüklər bəlli oldu
• Kivu ən yaxşı seçildi
• Benitez istefaya göndərildi