Gələn həftə start götürəcək VI Bakı Beynəlxalq Futzal Turniri əvvəlki yarışlardan fərqli olacaq. Apasport.az saytının məlumatına görə, turnirin təşkilatçısı olan AFFA bir sıra ilkləri gerçəkləşdirəcək.

Fevralın 16-dək davam edəcək yarışda isə ən azı 3 məqama ilk dəfə təsadüf olunacaq. Bu isə təşkilatçıların “het-trik” müəllifi olmasından xəbər verir.

İlk dəfə yarışda 4 deyil 6 komanda iştirak edəcək. Belə ki, əvvəlki 5 turnirin hər birində eyni sayda – 4 komanda mübarizə aparıb. Bu dəfə isə qonaq yığmaların sayı 4-dür.

İlk dəfə yarış 2 qrupda baş tutacaq və sonda final matçları baş tutacaq. Əvvəlki turnirlərin hamısında iştirakçılar dairəvi sistemlə birlikdə mübarizə aparırdı.

İlk dəfə yarışa Azərbaycanın 2-ci yığması qoşulacaq.

Düzdür, əvvəllər də ölkəmiz 2 komanda ilə təmsil olunub. Lakin 2008-ci ildəki ilk yarışda əsas milli ilə yanaşı, Bakı yığması turnirə qatılıb.

Bu dəfə isə ölkəmizin 2-ci millisi əsas komanda ilə birgə çıxış edəcək.

• Veteran qolkiper dünyasını dəyişib
• İtaliyalı qolkiper ÇL-də həftənin oyunçusu seçilib
• Fatih Tekkenin müqaviləsinin detalları açıqlanıb
• "Yuventus" Mottanı həmyerlisi ilə əvəzləyəcək
• ÇL: 1/4 finalın vaxtları açıqlanıb