“Ağır oyun oldu. Şaronovun qırmızı vərəqə alıb meydandan uzaqlaşdırılması bizim işimizi çətinləşdirdi. Mən qələbə üçün uşaqlara təşəkkür edirəm. Amma düşünürəm ki, mübarizə hələ irəlidədir. Rusiyada bizi çətin matç gözləyir”. Apasport.az saytının məlumatına görə, bu fikirləri “Rubin”in baş məşqçisi Qurban Berdıyev səsləndirib. O, Avropa Liqasının 1/16 final mərhələsinin ilk oyun günündə səfərdə “Atletiko”nu 2:0 hesabı ilə məğlub etdikdən sonra mətbuat konfransı keçirib.

Təcrübəli mütəxəssis Qaradənizə və Kislyaka minnətdar olduğunu bildirib:
“Fasilədə mən futbolçularımdan daha intizamlı oynamağı xahiş etdim. Çünki “Atletiko” həm öz meydanında, həm də bizdən sayca üstünlüyə malik idi. Mən Qaradənizə və Kislyaka minnətdaram. Hansılar ki, onlar “Atletiko”nun təhlükəli olan sol cinahını neytrallaşdırdılar”.

• "Yuventus" Mottanı həmyerlisi ilə əvəzləyəcək
• ÇL: 1/4 finalın vaxtları açıqlanıb
• Ronaldo CBF prezidentliyinə namizəd olmaqdan imtina edib
• "Aston Villa" 40 ildən sonra bunu bacardı
• Türkiyəli futbolçu “Fənər”dən ayrıla bilər