Azərbaycan millisinin futbolçu Ruslan Abışovun müqavilə bağlayacağı “Rubin” Avropa Liqasının və Rusiya çempionatının matçlarına hazırlığı davam etdirmək üçün Türkiyəyə gedəcək. Apasport.az saytının məlumatına görə, Kazan klubu martın 1-dən etibarən Antalyada olacaq.

Qısamüddətli məşq Bələkdə keçəcək və sonra “Rubin” Avropanın Liqasının 1/8 final mərhələsinin ilk oyun günündə “Levante” ilə qarşılaşma üçün Valensiyaya yola düşəcək. Bu matçdan sonra Tatarıstan təmsilçisi ölkə çempionatının 20-ci turunda “Zenit”lə qarşılaşma üçün Qroznoya gedəcək. Matçın keçirilmə tarixi isə yaxın günlərdə təsdiq ediləcək.

Qeyd edək ki, XXVII Ümumdünya Yay Tələbə oyunları Kazanda keçiriləcəyi üçün şəhərin mərkəzi stadionun qazonun qorumaq məqsədi ilə “Rubin” bir müddət oyunlarını Qroznoda keçirmək məcburiyyətində qalacaq.

• “Yunayted”də daha bir İTKİ
• Abdülkadir Ömür Super Liqaya dönə bilər
• PSJ Luis Enrike ilə müqavilə yeniləyəcək
• Ekvador millisinin üzvü “Beşiktaş”da – RƏSMİ
• İngiltərədə ən yaxşı baş məşqçi bəlli olub