Lempard yubiley qolunu vurdu

18.03.2013 - 00:03

İngiltərə Premyer Liqasının 30-cu turu çərçivəsində qarşılaşan “Çelsi” – “Vest Hem” matçı Frenk Lempard üçün əlamətdar olub. Apasport.az saytının məlumatına görə, təcrübəli futbolçu “zadəganlar”ın heyətində yubiley qoluna imza atıb.

Belə ki, matçın 19-cu dəqiqəsində hesabı açan Lempard “Çelsi”də çıxış etdiyi 12 mövsümdə 200-cü dəfə fərqlənmiş olub.

Qeyd edək ki, 34 yaşlı yarımmüdafiəçi London klubuna 2001-ci ildə “Vest Hem”dən keçib. O, bu oyunda “Çelsi”nin forması ilə 393-cü matçını keçirib.