İtaliya millisinin heyəti açıqlandı

18.03.2013 - 07:45

Braziliya ilə yoldaşlıq və Malta ilə DÇ-2014-ün qrup mərhəlində qarşılaşacaq İtaliya milli komandasının heyəti açıqlanıb. Apasport.az saytının məlumatına görə, Avro-2012-nin gümüş mükafatçısının baş məşqçisi Çezare Prandelli heyətə 27 fubolçu dəvət edib.

Təcrübəli mütəxəssis ilk dəfə “Torino”nun yarımmüdafiəçisi Alessio Çerçini, həmçinin 2010-cu ildən yığmaya çağrılmayan “Cenoa”nın oyunçusu Antonelliyə dəvət göndərib.

Qeyd edək ki, İtaliyanın Braziliya ilə yoldaşlıq görüşü martın 21-də İsveçrənin Cenevrə şəhərində keçiriləcək. DÇ-2014-ün qrup mərhəlində Malta ilə oyunu isə 5 gündən sonra baş tutacaq.

İtaliya yığmasının heyəti:

Qapıçılar: Buffon (“Yuventus”), De Sanktis (“Napoli”), Marketti (“Latsio”), Siriqu (PSJ).

Müdafiəçilər: Abate, De Şilo (hər ikisi “Milan”), Antonelli (“Cenoa”), Astori (“Kalyari”), Bardzalyi, Bonuççi, Kellini (hər üçü “Yuventus”), Madjo (“Napoli”), Ranokkya (“İnter”).

Yarımmüdafiəçilər: Kandreva (“Latsio”), Çerçi (“Torino”), De Rossi (“Roma”), Diamanti (“Bolonya”), Cakkerini, Pirlo, Markizio (hər üçü “Yuventus”), Montolivo (“Milan”), Poli (“Sampdoriya”).

Hücumçular: Balotelli, El-Şaaravi (hər ikisi “Milan”), Cilardino (“Bolonya”), Covinko (“Yuventus”), Osvaldo (“Roma”).