Yığmamız Gürcüstana məğlub oldu

18.03.2013 - 15:36

Futzal üzrə Azərbaycan milli komandası bu gün yoldaşlıq oyunu keçirib. Apasport.az saytının məlumatına görə, Avropa çempionatının əsas seçmə mərhələsinin oyunlarına hazırlaşan baş məşqçi Joze Alesionun yetirmələri Gürcüstan yığması ilə qarşılaşıb.

“ABU Arena”da baş tutan görüşdə qonaqlar qalib gəlib – 2:1. Yığmamızın yeganə qolunu Namiq Məmmədkərimov vurub.

Qeyd edək ki, Azərbaycan və Gürcüstan yığmaları sabah yenidən eyni arenada üz-üzə gələcək.