Nesta 2 həftəlik sıradan çıxdı

20.03.2013 - 03:00

İtaliya yığma komandasının sabiq müdafiəçisi Alessandro Nesta zədəsi ilə əlaqədar olaraq ən azı iki həftə yaşıl meydanlardan uzaq qalacaq. Apasport.az saytının məlumatına görə, Kanadanın “Monreal İmpakt” klubunda çıxış edən 37 yaşlı futbolçunun ayağında əzələsi dartılıb.

Onun zədəsinin bərpa olunması iki və ya iki həftə yarım davam edəcək.

Qeyd edək ki, Nesta İtaliya millisinin heyətində 80 oyunda forma geyinib. O, “Monreal İmpakt”a 2012-ci ildə “Milan”dan keçib.