Azərbaycan milli komandası DÇ-2014-ün seçmə mərhələsinin Lüksemburqla oyununda uğursuz seriyaya son qoyub. Apasport.az saytının məlumatına görə, səfərdə qolsuz heç-heçə edən Berti Foqtsun yetirmələri uzun fasilədən sonra seçmə oyunda meydanı qol buraxmadan tərk edib.

Yığmamızın sonuncu belə oyunu 2010-cu il oktyabrın 12-də keçirmişdi. Həmin vaxt millimiz Bakıda Türkiyəni 1:0 hesabı ilə məğlub etmişdi. 892 gün əvvəl baş tutan Avro-2012-nin seçmə oyunundan sonra millimiz ardıcıl 11 matç idi qol buraxırdı. Bu müddətdə Avro-2012-nin 7, DÇ-2014-ün 4 matçında rəqiblər yığmamızın qapısına ən azı 1 qol vururdu.

Səfərdə qol buraxmadığımız son seçmə matçı isə 2009-cu il oktyabrın 10-da baş tutub. 1258 gen əvvəl yığmamız DÇ-2010-nun Vadutsdakı seçmə oyununda Lixtenşteynə qalib gəlmişdi – 2:0.

• “Yuventus”dan yeni transfer - RƏSMİ
• “Mançester Siti” Enzo Fernandezdən əl çəkmir – Danışıqlar yenidən başlayır
• Kanselo “Barselona”ya qayıdır – Portuqaliyalı İspaniyada
• Qakpo “Liverpul”u tərk edir – “Tottenhem”lə razılaşdı
• Rodrinin əvəzləyicisi tapıldı – “Mançester Siti” 18 yaşlı ulduzu transfer edir