“Real Sosyedad” 15 oyundan sonra məğlubiyyətlə üzləşdi

07.05.2013 - 02:45

İspaniya La Liqasında XXXIV turun oyunlarına yekun vurulub. Apasport.az saytının məlumatına görə, son matç günündə avrokubok oyunlarına qatılmaq uğrunda mübarizə aparan komandalar üz-üzə gəlib.

Belə ki, “Hetafe” doğma publika önündə “Real Sosyedad”la qarşılaşıb. Görüş meydan sahiblərinin inamlı qələbəsi ilə başa çatıb.

Lakin matç “Hetafe” üçün yaxşı başlamayıb. Artıq oyunun 4-cü dəqiqəsində Karlos Vela komandasını hesabda irəli çıxarıb. Bundan sonra özünə gələn “Hetafe” əvvəlcə matçın 18-ci dəqiqəsində Pedro Leonla hesabı bərabərləşdirib. 39-cu dəqiqədə isə Əbdüləziz Barrada komandasının qələbə topunu vurub - 2:1.

Bunla da, “Real Sosyedad”ın 15 oyunluq məğlubiyyətsizlik seriyasına son qoyulub.

Qeyd edək ki, “Hetafe” bu qələbədən sonra xalını 47-yə çatdırıb və turnir cədvəlinin 8-ci pilləsinə yüksəlib.

İspaniya La Liqası
XXXIV tur
3 may
“Selta” – “Atletik” - 1:1
Aspas, 84 – Markos, 43

4 may
“Valensiya” – “Osasuna” – 4:0
Soldado, 39, Kosta, 44, Baneqa, 60, Yonas, 90-pen

“Qranada” – “Malaqa” – 1:0
İqalo, 28

“Real” – “Valyadolid” – 4:3
Hernandes, 26-avtoqol, Ronaldo, 32; 70, Kaka, 49 - Qonsales, 8, Querra, 35, Sastre, 87

“Deportivo” – “Atletiko” – 0:0

5 may
“Malyorka” – “Levante” – 1:1
Hemed, 7 - Akvafreska, 42

“Saraqosa” – “Rayo Valekano” – 3:0
Apono, 26-pen; 90, Rodri, 51

“Sevilya” – “Espanyol” – 3:0
Kapdevilya, 11-avtoqol, Koke, 19, Neqredo, 23

“Barselona” – “Betis” – 4:2
Sançes, 9, Vilya, 56, Messi, 60; 71 - Pabon, 2; Peres, 43

6 may
“Hetafe” – “Real Sosyedad” - 2:1
Leon, 18 - Barrada, 39, Vela, 5