AFFA İntizam Komitəsi (İK) son iclasında əvəzedici komandaların iştirakı ilə keçirilən çempionatda 2 futbolçunu cəzalandırıb. Apasport.az saytının məlumatına görə, ən çox cəzaya məruz qalan futbolçu “Turan” – “Sumqayıt” oyununda aşkarlanıb.

Belə ki, oyunun 60-cı dəqiqəsində “Turan”ın futbolçusu Seymur Tağıyev hakimi təhqir etdiyi üçün 4 oyunluq cəzaya məruz qalıb. Maliyyə böhranında olan Tovuz klubu isə futbolçunun əməllərinə görə 2 min manat cəzalandırılıb.

I divizionda isə 6 futbolçu İK-nın cəzasından yaxasını qurtara bilməyib. Ən çox cəza isə digər qərb bölgəsinin klubu olan “Şəmkir”in səfərdə “Neftçala” ilə görüşündə qeydə alınıb. Maraqlıdır ki, bu dəfə də 60-cı dəqiqədə edilən hərəkət əsas rol oynayıb. Belə ki, Ruslan Rüstəmov qeyri-etik ifadələr işlətdiyinə görə, 3 oyun meydana çıxmaq qadağası ilə rastlaşıb. “Şəmkir” isə buna görə 200 manatından keçməlidir.

Qeyd edək ki, aşağı dəstədə 6 futbolçudan 3-ü “Şahdağ” - “Ağsu” oyununda cəzalandırılıb. Belə ki, sabiq FİFA referisi Fariz Yusifov Qusar klubunun 3 futbolçusunu və baş məşqçisini qovub, üstəlik “Ağsu”nun qapısına 2 penalti təyin edib.

• Dadaşov oynamadı, komandası növbəti tura yüksəldi
• “Mançester Yunayted” yeni baş məşqçi ilə anlaşıb
• “Qızıl top”un sahibi: "Bir gün vətənə qayıdıb, orada yenidən oynaya biləcəm"
• Mario Balotelli İtaliya klubunda - Rəsmi
• Rodri Ronaldodan sonra ikinci oldu