“Çempionluq kimi kubok da bizim üçün önəmlidir. Sabah növbəti uğurumuzu qazanmaq istəyirik”. Apasport.az saytının məlumatına görə, bu fikirləri “Neftçi”nin kapitanı Rəşad Sadiqov deyib.

Bu gün “Xəzər Lənkəran”la Azərbaycan kuboku uğrunda final oyunu öncəsi mətbuat konfransında iştirak edən yarımmüdafiəçinin sözlərinə görə, baş məşqçi Böyükağa Hacıyev onları oyuna lazımınca motivasiya edib: “Biz peşəkarıq və oyunun əhəmiyyətini başa düşürük. Çempionatla kubok fərqli turnirdir. Ancaq biz hər ikisində qələbəni qarşımıza məqsəd qoymuşuq. Çempionatda buna nail olduq. İndi kubokun qalibi olmaq istəyirik. Çalışacağıq ki, burada da şansı əldən verməyək. Buna da nail olsaq, növbəti mövsümün startı öncəsi yaxşı motivasiya olunacağıq”.

Mehman SÜLEYMANOV

• Dadaşov oynamadı, komandası növbəti tura yüksəldi
• “Mançester Yunayted” yeni baş məşqçi ilə anlaşıb
• “Qızıl top”un sahibi: "Bir gün vətənə qayıdıb, orada yenidən oynaya biləcəm"
• Mario Balotelli İtaliya klubunda - Rəsmi
• Rodri Ronaldodan sonra ikinci oldu