“Xəzər Lənkəran” klubunun kapitanı Rahid Əmirquliyevin apasport.az saytına müsahibəsi

- “Neftçi” ilə final matçının ən yaxşı futbolçu seçilməklə mükafat aldınız. Təəssüratlarınız necədir?
- Matçın ən yaxşı futbolçusu səsvermə yolu ilə müəyyənləşdi. Mənə səs verənlərin hamısına “sağ ol” deyirəm. Allah hamısından razı olsun.

- Bəs oyun haqda fikirləriniz necədir?
- Bərabər oyun getdi. Qalibi müəyyənləşdirmək üçün penaltilər seriyası lazım gəldi. Bu isə lotereya kimi bir şeydi. Bəxt onların tərəfində idi.

- Qarşılaşmadan sonra yaşanan insidenti nəyin nəticəsi sayırsınız?
- Futbolda belə şeylər olur. Olmasa, yaxşı idi.

- Bu mükafat sizin üçün kubokun yerini verir?
- Mənim üçün yox. Ölkə kubokunu qazansaydıq, daha yaxşı olardı.

- Deyəsən, karyeranızda belə fərdi mükafat olmamışdı...
- Bəli, ilk fərdi mükafatımı qazandım. Bu baxımdan dəyərlidir. Ona görə məni bu mükafata layiq görənlərə minnətdaram. Ancaq çox istərdim ki, finalda ölkə kubokunu başı üzərimə qaldırım.

Mehman SÜLEYMANOV

• Almaniya millisində iki ciddi itki – Musiala və Haverts sıradan çıxdı
• Serdal Adalıdan “Qalatasaray”a atmaca: "Allah onlara səbir versin"
• Burak Yılmaz Superliqaya qayıtdı – “Çorum”un yeni baş məşqçisi oldu
• Roberto Karlos Ronaldoya “10 il” verdi – “Nə vaxt istəsə, onda da gedəcək”
• Türkiyə - Fransa matçı bu kanalda - TV AFİŞA