“Ronaldo ilə müqavilənin müddətini uzatmaq üçün bütün güclərimizi ortaya qoyacağam”. Apasport.az saytının məlumatına görə, bu sözləri “Real”ın prezidenti Florentino Peres deyib.

O, portuqaliyalı hücumçunu digər komandaya satılacağı ilə bağlı xəbərlərə münasibət bildirib.

“Kral klubu”nun rəhbəri Kriştianunu heç yerə göndərməyəcəklərini ifadə edib: “Onun hazırkı müqaviləsinin başa çatmasını hələ 2 il var. Kriştianu dünyanın ən yaxşı futbolçusudur. Biz onunla birlikdə irəli getmək istəyirik. Mən hətta Ronaldonu milyard avroya belə satmayacağam”.

Qeyd edək ki, Ronaldonu “Mançester Yunayted” və PSJ transfer etmək istəyir. Hər iki klub portuqaliyalı oyunçu üçün istənilən pulu ödəməyə hazırdır, ancaq göründüyü kimi, transferin reallaşması çətin olacaq.

Ronaldu Madrid təmsilçisinin lideridir. O, komandanın sistemini təşkil edən futbolçudur. “Kral klubu” onun keçidini rəsmiləşdirdiyi dövrdə böyük səs-küy yaratdı. Kriştiano futbolun bütün tarixi üçün ən uca transferlərdən biri oldu.

Ronaldo “Qızıl top”un daim namizədlərindən idi. Lakin portuqaliyalı hücumçu “Barselona”nın lideri Lionel Messiyə bu nominasiyada həmişə uduzur.

• Dadaşov oynamadı, komandası növbəti tura yüksəldi
• “Mançester Yunayted” yeni baş məşqçi ilə anlaşıb
• “Qızıl top”un sahibi: "Bir gün vətənə qayıdıb, orada yenidən oynaya biləcəm"
• Mario Balotelli İtaliya klubunda - Rəsmi
• Rodri Ronaldodan sonra ikinci oldu