Bu gün Çempionlar Liqasında 2013/14 mövsümünün ilk 2 təsnifat mərhələsinin püşkü atılıb. Apasport.az saytının məlumatına görə, Bakı vaxtilə saat 15:00-da başlayan püşkdə turnirdəki yeganə təmsilçimiz “Neftçi”nin rəqibi müəyyənləşib.

Belə ki, çempionumuz turnirdə mübarizəyə Albaniyanın “Skenderbeu” klubu ilə oyunla başlayacaq. Komandamız kimi son 3 ildə ölkəsinin çempionu olan Korça təmsilçisi öncə Bakıya gələcək. Bununla da “Neftçi” ötən yaydakı kimi turnirdə öz meydanında start götürəcək. Ancaq fərq ondadır ki, bakılılar Gürcüstan “Zestafoni”sini “Dalğa Arena”da qəbul etmişdisə, bu dəfə “Bakcell Arena”da oynayacaq.


I təsnifat mərhələsi
“Şirak” (Ermənistan) - Tre Penne” (San-Marino)
“Lusitanos” (Andorra) - “Streymur” (Farer adaları)

II təsnifat mərhələsi
“Neftçi” (Azərbaycan) - “Skenderbeu” (Albaniya)
“Styaua” (Rumıniya) - “Vardar” (Makedoniya)
“Viktoriya” (Çexiya) - “Jelezniçar” (Bosniya və Herseqovina)
“Şerif” (Moldova) - “Sutyeska” (Monteneqro)
“Birkirkara” (Malta) - “Maribor” (Sloveniya)
“Sliqo Rovers” (İrlandiya) - “Molde” (Norveç)
“Elfsborq” (İsveç) - “Dauqava” (Latviya)
HİK (Finlandiya) - “Nomme Kalyu” (Estoniya)
“Ekranas” (Litva) - “Hafnarfyordur” (İslandiya)
TNS (Uels) - “Legiya” (Polşa)
“Seltik” (Şotlandiya) - “Kliftonvill” (Şimali İrlandiya)
“Dinamo” (Xorvatiya) - “Fola” (Lüksemburq)
“Qyor” (Macarıstan) - “Makkabi” (Təl-Əviv, İsrail)
BATE (Belarus) - “Şaxtyor” (Qazaxıstan)
“Şirak” (Ermənistan) - Tre Penne” (San-Marino) - “Partizan” (Serbiya)
“Slovan” (Slovakiya) - “Ludoqorets” (Bolqarıstan, 3,450)
“Dinamo” (Gürcüstan) - “Lusitanos” (Andorra) - “Streymur” (Farer adaları)

Qeyd edək ki, I təsnifat mərhələsində oyunlar iyulun 2-3-də və 9-10-da keçiriləcək. II təsnifat mərhələsinin matçları isə iyulun 16-17-də və 23-24-də olacaq.

• İki dəfə huşunu itirmişdi: Musiala məşqlərə qayıdır
• "Yuventus"a Kenan Yıldız şoku: 2 ay oynamayacaq
• “Liverpul” Türkiyədə akademiya açdı
• “Hapoel”in qapıçısı: “Çətinliklər bizi gücləndirir”
• “Hapoel”in baş məşqçisindən “Sabah” etirafı: Favorit Azərbaycan klubudur