“Mançester Siti”nin müdafiəçisi Duqlas Maykon rəsmən “Roma”nın futbolçusu olub. Apasport.az saytının məlumatına görə, bu haqda paytaxt klubunun internet saytı xəbər verib.

Braziliyalı oyunçu “canavarlar”la 2015-ci ilə qədər müqavilə imzalayıb. Düzdür, 32 yaşlı müdafiəçi iyulun 17-də “Roma”da ilk məşqinə çıxmışdı. Bu gün isə Maykon İtaliya təmsilçisi ilə rəsmi müqavilə bağlayıb.

Qeyd edək ki, Maykon “Mançester Siti”yə 2012-ci ildə “İnter”dən keçib. Ötən mövsüm 13 matçda forma geyinən “sambaçı” mövsüm sonuna yaxın “şəhərlilər”lə müqaviləsini qarşılıqlı razılıq əsasında ləğv edib. O, “İnter”in heyətində İtaliya A seriyasının və kubokunun dəfələrlə qalibi, bir dəfə də Çempionlar Liqasını qazanıb.

• "Çelsi"nin futbolçusu İspaniya klubunda
• "İnter Mayami"nin yeni baş məşqçisi müəyyənləşib
• Leao seçimini etdi - İngiltərədə çıxış edəcək
• Günün oyunları bu kanallarda - TV AFİŞA
• “Bayer”i İngiltərə klubuna dəyişdi - RƏSMİ