Azərbaycanlı futbolçular - Fərid Quliyev və Murad Axundzadənin heyətində çıxış etdiyi “Kahramanmaraşspor” hazırlıqlarını Boluda davam etdirəcək. Apasport.az saytının məlumatına görə, Türkiyə I liqa klubu sözügedən şəhərdə 4 komanda ilə yoldaşlıq keçirəcək.

Artıq təmsilçilərimizin rəqibləri də müəyyənləşib. Belə ki, “Kahramanmaraşspor” avqustun 1-də millimizin hücumçusu Branimir Subaşiçin formasını geyindiyi “Orduspor”la, 3-də “Ünyespor”la, 5-də yığmamızın digər üzvü Andrey Popoviç və Usim Ndukanın şərəfini qoruduğu “Tavşanlı Linyitspor”la və 11-də isə “Qaziantep Büyükşəhir Bələdiyəspor”la qarşılaşacaq.

Qeyd edək ki, Fərid Quliyev və Murad Axundzadənin komandası Türkiyə PTT I liqasının 2013-2014 mövsümünün ilk matç günündə azərbaycanlı futbolçu Ramal Hüseynovun klubu “Bucaspor”la üz-üzə gələcək. İlk oyunlar isə 17, 18 və 19 avqustda keçiriləcək.

• “Liverpul”da itki: KYEZA SIRADAN ÇIXIB
• İspaniya millisinin üzvü ölkəsinə qayıdır
• "Çelsi"nin futbolçusu İspaniya klubunda
• "İnter Mayami"nin yeni baş məşqçisi müəyyənləşib
• Leao seçimini etdi - İngiltərədə çıxış edəcək