2013-cü ildə 16 klubun futbolçusu Azərbaycan millisinin şərəfini qoruyub. Apasport.az saytının məlumatına görə, almaniyalı baş məşqçi Berti Foqts 8 yerli və 8 xarici klubun oyunçularına güvənib.

Mütəxəssis Azərbaycanla yanaşı, Almaniya, Rusiya, Türkiyə klublarına da dəvət göndərib. Topaz Premyer Liqasının klublarından isə yalnız AZAL-la “Rəvan”ın üzvləri bu matçlarda iştirak etməyib.

İl ərzində millidə oynamış 33 futbolçudan 9-u 2 klubda çıxış etdiyi vaxt millinin formasını geyib. Millidəki futbolçu sayına görə “Qarabağ” hamıdan öndədir. Ağdam təmsilçisinin 9 üzvü yığmanın matçlarında iştirak edib. Onlardan 4-ü artıq komandanı tərk etsə də, “Qarabağ” ən yaxın izləyiciləri “Bakı” ilə “Neftçi”ni xeyli arxada qoyub.

Artıq neçə ildir milli futbolçu bazasına çevrilən “Qarabağ” təmsilçilərinin yığmadakı oyun sayında da hamıdan öndədir. Ağdamlıların üzvləri ölkənin əsas komandasında 47 oyun keçirib. Onlar 2-ci olan “Bakı”nı xeyli arxada qoyub. Bu göstəricidə 3-cü isə “Neftçi”dir.

Millimizə hərəyə 1 futbolçu verən 8 xarici klub arasında Almaniya “Kayzerslautern”i fərqləndirmək olar. Rüfət Dadaşovun 10 oyun keçirməsi klubunu digər xarici komandalardan önə çıxmasına imkan verib. İlin bombardiri Rüfətin 4 qolu isə məhz bu klubun yığmamızda məhsuldarlıq rekorduna səbəb olub.

1. “Qarabağ” – 9 futbolçu, 47 oyun, 1 qol
Rəşad Sadıqov – 8
Maksim Medvedev – 8
Bədavi Hüseynov – 7
Qara Qarayev – 7
Vaqif Cavadov – 5 (1)
Vüqar Nadirov – 5
Əfran İsmayılov - 3
Branimir Subaşiç – 2
Rauf Əliyev – 2

2. “Bakı” – 5 fubolçu, 29 oyun, 2 qol, 6 buraxılan qol
Rauf Əliyev – 8 (2)
Kamran Ağayev – 8 (-6)
Cavid Hüseynov – 6
Elvin Məmmədov - 5
Əfran İsmayılov - 2

3. “Neftçi” – 5 futbolçu, 20 oyun, 1 qol
Mahir Şükürov – 9 (1)
Araz Abdullayev – 5
Rəşad Sadiqov – 4
Cavid İmamverdiyev – 1
Eşqin Quliyev - 1

4. “Xəzər Lənkəran” – 3 futbolçu, 15 oyun, 1 qol
Rahid Əmirquliyev – 8 (1)
Rasim Ramaldanov – 5
Elnue Allahverdiyev - 2

5. “Qəbələ” – 4 futbolçu, 11 oyun
Elnur Allahverdiyev – 5
Vladimir Levin – 2
Anar Nəzirov – 2
Vurğun Hüseynov - 2

6. “Kayzerslautern-2” (Almaniya) – 1 futbolçu, 10 oyun, 4 qol
Rüfət Dadaşov – 10 (4)

7. “Sumqayıt” – 4 futbolçu, 9 oyun
Pərdis Fərcad-Azad – 5
Səlahət Ağayev - 2
Anar Nəzirov – 1 (-2)
Vüqar Əsgərov – 1

8. “Rubin” (Rusiya) – 1 futbolçu, 8 oyun, 1 qol
Rusaln Abışov – 8 (1)

9. “Sivasspor” (Türkiyə) – 1 futbolçu, 7 oyun
Cihan Özkara – 7

10-11. “İnter” – 3 futbolçu, 6 oyun, 1 qol
Vaqif Cavadov – 3 (1)
Vladimir Levin - 2
Səlahət Ağayev – 1

“Simurq” – 1 futbolçu. 6 oyun
Rasim Ramaldanov – 6

12-13. “Əskişəhərpor” (Türkiyə) – 1 futbolçu. 3 oyun
Ufuk Budak – 3

“Hannover-2” (Almaniya) – 1 futbolçu. 3 oyun
Əli Gökdəmir - 3

14. “Adanadəmirspor” (Türkiyə) – 1 futbolçu, 2 oyun
Cavid Hüseynov – 2

15-16. “Dənizlispor” (Türkiyə) – 1 futbolçu, 1 oyun
Arif İsayev - 1

“Ayntraxt” (Braunşveyq, Almaniya) – 1 futbolçu, 1 oyun
İltər Taşkın – 1

Qeyd: klublar futbolçularının milidəki ümumi oyun sayı ardıcıllığı ilə sıralanıb.

• Ritsu Doan Səudiyyə Ərəbistanına getmədi – 17 milyon avroluq transfer son anda baş tutmadı
• Günün canlı yayımlanacaq matçları - TV AFİŞA
• DÇ-2026-nın qalmaqallı futbolçusu “Everton”da – 50 milyonluq transfer
• “Fənər”də ayrılıq - Dieqo Karlos İtaliya klubunda
• Bir dövrün sonu - MESSİ MİLLİDƏKİ KARYERASINI BAŞA VURDU