Branimir Subaşiçin şərəfini qoruduğu “Orduspor” ilk dəfə səfər matçında xal itirib. Apasport.az saytının məlumatına görə, Ordu klubu Qara dəniz derbisində “1461 Trabzon”la heç-heçə edib – 1:1. Subaşiç meydana 69-cu dəqiqədə Ziya Alkurtun yerinə daxil olub.

Millimizin sabiq hücumçusu Fərid Quliyevin məxsus olduğu “Kahramanmaraşspor” Cavid Hüseynovun sabiq komandası “Adana Dəmirspor”la səfər görüşündə 0:3 hesabı ilə məğlub olub. Quliyev “18-lik”də yer almayıb.

Saşa Yunisoğlu ilə Arif İsayevin çıxış etdiyi “Dənizlispor” doğma azarkeşləri önündə “İstanbul BB” ilə heç-heçə edib – 1:1. Zədəli Arif İsayevin “18-lik”də olmadığı görüşdə Yunisoğlu 90 dəqiqə meydanda olub.

“Fəthiyəspor”la “Tavşanlı Linyitspor”un görüşündə (2:2) birincilərin qapıçısı Davud Kərimi ehtiyatda qalıbsa, Usim Nduka 90 dəqiqə oynayıb və 68-ci dəqiqədə sarı vərəqə alıb. U-21-in qapıçısı Andrey Popoviç isə “18-lik”də yer almayıb.

Qeyd edək ki, “Orduspor” yenə lider mövqeyini itirməyib. “Dənizlispor” XII, “Tavşanlı Linyitspor” XVII, “Kahramanmaraşspor” isə XVIII pillədədir. “Fəthiyəspor” isə yenə sonuncu pillədədir.

• Ritsu Doan Səudiyyə Ərəbistanına getmədi – 17 milyon avroluq transfer son anda baş tutmadı
• Günün canlı yayımlanacaq matçları - TV AFİŞA
• DÇ-2026-nın qalmaqallı futbolçusu “Everton”da – 50 milyonluq transfer
• “Fənər”də ayrılıq - Dieqo Karlos İtaliya klubunda
• Bir dövrün sonu - MESSİ MİLLİDƏKİ KARYERASINI BAŞA VURDU