Futzal üzrə UEFA kubokunun ən yaxşı bombardirlərinin siyahısı açıqlanıb. Apasport.az saytının məlumatına görə, elit-raund başa çatdıqdan sonrakı siyahıda Azərbaycan çempionu “Araz”ın da oyunçusu yer alıb.

Təmsilçimizin italiyalı legioneri Fabiano 8 qolla ən məhsuldar oyunçular siyahısında 4-cü pillədə qərarlaşıb. Hücumçumuz bu mövqeni eyni sayda qol vuran Mohamed Labiad (“Hamburq”, Almaniya), Slobodan Rayçeviç (“Ekonomak”, Serbiya), Sergey Krikunla (“Vitebsk”, Belarus) bölüşür. Siyahıya isə Fransa “Paris”inin futzalçıları Betinyo (12 qol), Aleksandr Teyşeyra (9 qol), Bosniya və Herseqovina təmsilçisi “Sarayevo”nun üzvü Anel Radmiloviç (9 qol) başçılıq edirlər.

Lakin həm Fabianonun şərikləri, həm də ondan çox qol vuranların çıxış etdiyi komandalar UEFA kubokunda mübarizəni dayandırıb. “Dördlər finalı”na çıxan ən yaxşı klubların ən yaxşı bombardiri isə məhz “Araz”ın oyunçusudur. Fabiano gələn ilin aprelində baş tutacaq həlledici görüşlərdə qol sayını artırmaqla turnirin ən məhsuldar futzalçısı da ola bilər.

• Ritsu Doan Səudiyyə Ərəbistanına getmədi – 17 milyon avroluq transfer son anda baş tutmadı
• Günün canlı yayımlanacaq matçları - TV AFİŞA
• DÇ-2026-nın qalmaqallı futbolçusu “Everton”da – 50 milyonluq transfer
• “Fənər”də ayrılıq - Dieqo Karlos İtaliya klubunda
• Bir dövrün sonu - MESSİ MİLLİDƏKİ KARYERASINI BAŞA VURDU