Sabah Çempionlar Liqasının qrup mərhələsində V tura start veriləcək. Apasport.az saytının məlumatına görə, bu həftə keçiriləcək qarşılaşmalar 1/8 finala 9 vəsiqənin sahibinin adına aydınlıq gətirə bilər. Bunun gerçəkləşəcəyi halda, son tur cəmi 3 xoşbəx komandanın adına aydınlıq gətirəcək.

İlk oyun günündə E, F, G və H qruplarında oyunlar keçiriləcək. Bu qruplarda baş tutan görüşlər son turu formallığa çevirə bilər. Belə ki, sabah 1/8 finala 6 vəsiqənin sahibinin müəyyənləşməsi mümkündür. İspaniya təmsilçiləri “Atletiko” ilə “Barselona” artıq bu vəzifənin öhdəsindən gəldiyindən VI turun heç bir əhəmiyyət kəsb etməməyi mümkündür.

E qrupunda mərhələ adlamaq üçün “Çelsi”yə 1 xal da kifayətdir. “Şalke”nin xal itirəcəyi halda, Joze Mourinyonun yetirmələri məğlubiyyətlə də bu vəsiqəni qazanacaq. İngiltərə təmsilçisi qalib gəlməklə, “Şalke”yə də şans yara bilər. Almaniyalılar bundan yararlanıb 3 xal qazanarsa, Helzenkirhen təmsilçisi də qrupdan çıxacaq.

F qrupunda həm “Arsenal”, həm də “Napoli” qalib gəlsə, hər 2 komanda növbəti mərhələyə yüksələcək. İngiltərə təmsilçisinə özünün qələbəsi də kifayət edə bilər. Bunun üçün digər matç “Borussiya” qalib gəlməməlidir. İtaliyalıların isə taleyi öz əlindədir. Qələbə onları 1/8 finala daşıyacaq. Belə olan halda isə “Arsenal”a 1 xal da yetərli olacaq.

“Atletiko”nun I yeri təmin etdiyi G qrupunda “Zenit”ə uduzması rusiyalıları 2-ci edə bilər. Bunun üçün “Porto” qalib gəlməməlidir. “Barselona”nın mərhələ adladığı H qrupunda isə “Ayaks”ın məğlubiyyəti “Milan” üçün 3 xalın həlledici olması anlamına gələcək.

Noyabrın 27-də baş tutacaq oyunlar da 1/8 finala vəsiqə baxımından həlledici ola bilər. A qrupunda isə yalnız 1 vəsiqə sahibinə qovuşa bilər. Bu daha çox “Mançester Yunayted” – “Bayer” oyunundan asılı olacaq. İngiltərə təmsilçisinə bunun üçün qələbə də kifayətdir. Almaniyalılar isə qələbə qazanmaqla yanaşı, “Şaxtyor”un istənilən xal itkisinə ümid etməlidir. Mançesterdəki heç-heçə meydan sahibləri üçün 1/8 finala vəsiqə gətirə bilər. Bunun üçün isə ukraynalılar uduzmalıdır.

Türkiyə “Qalatasaray”ının oynadığı B qrupunda isə İspaniya “Real”ının ardınca mərhələ adlayacaq 2-ci komanda son turda bilinəcək. C qrupunda PSJ uduzmasa istəyinə çatacaq. “Benfika”nın xal itkisi isə parisliləri məğlubiyyətlə də 1/8 finala daşıyacaq. Portuqaliyalıların uğursuzluğunu “Olimpiakos” da gözləyir. Çünki onların uduzmadı yunanıstanlıları da pley-offa aparır. D qrupunda isə hər 2 vəsiqə sahibi tapdığından artıq V tur da formal xarakter daşıyır.

Çempionlar Liqası
V tur
26 noyabr
E qrupu
23:45. “Bazel” (İsveçrə) - “Çelsi” (İngiltərə)
23:45. “Styaua” (Rumıniya) - “Şalke” (Almaniya)

1	Çelsi	4	3	0	1	11-2	9
2	Şalke	4	2	0	2	4-6	6
3	Bazel	4	1	2	1	4-4	5
4	Styaua	4	0	2	2	2-9	2

F qrupu
23:45. “Borussiya” (Dortmund, Almaniya) - “Napoli” (İtaliya)
23:45. “Arsenal” (İngiltərə) - “Marsel” (Fransa)

1	Arsenal	4	3	0	1	6-3	9
2	Napoli	4	3	0	1	7-6	9
3	Borussiya	4	2	0	2	6-4	6
4	Marsel	4	0	0	4	4-10	0

G qrupu
21:00. "Zenit" (Rusiya) - "Atletiko" (İspaniya)
23:45. "Porto" (Portuqaliya) - "Austriya" (Avstriya)

1	Atletiko	4	4	0	0	12-2	12
2	Zenit	4	1	2	1	3-4	5
3	Porto	4	1	1	2	3-4	4
4	Austriya	4	0	1	3	0-8	1

H qrupu
23:45. “Ayaks” (Hollandiya) - “Barselona” (İspaniya)
23:45. “Seltik” (Şotlandiya) - “Milan” (İtaliya)

1	Barselona	4	3	1	0	9-2	10
2	Milan	4	1	2	1	5-5	5
3	Ayaks	4	1	1	2	3-7	4
4	Seltik	4	1	0	3	2-5	3

27 noyabr
A qrupu
23:45. "Bayer" (Almaniya) - "Mançester Yunayted" (İngiltərə)
23:45. "Şaxtyor" (Ukrayna) – "Real Sosyedad" (İspaniya)

1	Mançester Y	4	2	2	0	6-3	8
2	Bayer	4	2	1	1	8-5	7
3	Şaxtyor	4	1	2	1	3-5	5
4	Real Sosyedad	4	0	1	3	1-5	1

B qrupu
23:45. “Real” (İspaniya) - “Qalatasaray” (Türkiyə)
23:45. “Yuventus” (İtaliya) – “Kopenhagen” (Danimarka)

1	Real M	4	3	1	0	14-4	10
2	Qalatasaray	4	1	1	2	6-10	4
3	Kopenhagen	4	1	1	2	3-8	4
4	Yuventus	4	0	3	1	6-7	3

C qrupu
23:45. “Anderlext” (Belçika) - “Benfika” (Portuqaliya)
23:45. PSJ (Fransa) – “Olimpiakos” (Yunanıstan)

1	PSJ	4	3	1	0	13-2	10
2	Olimpiakos	4	2	1	1	6-5	7
3	Benfika	4	1	1	2	3-5	4
4	Anderlext	4	0	1	3	1-11	1

D qrupu
21:00. MOİK (Rusiya) - “Bavariya” (Almaniya)
23:45. “Mançester Siti” (İngiltərə) – "Viktoriya" (Çexiya)

1	Bavariya	4	4	0	0	12-1	12
2	Mançester Siti	4	3	0	1	11-6	9
3	MOİK	4	1	0	3	6-12	3
4	Viktoriya	4	0	0	4	2-12	0

• Ritsu Doan Səudiyyə Ərəbistanına getmədi – 17 milyon avroluq transfer son anda baş tutmadı
• Günün canlı yayımlanacaq matçları - TV AFİŞA
• DÇ-2026-nın qalmaqallı futbolçusu “Everton”da – 50 milyonluq transfer
• “Fənər”də ayrılıq - Dieqo Karlos İtaliya klubunda
• Bir dövrün sonu - MESSİ MİLLİDƏKİ KARYERASINI BAŞA VURDU