Azərbaycan yığmasının üzvü Ufuk Budak “Əskişəhərspor”un əvəzedici komandasında növbəti oyununu keçirib. Apasport.az saytının məlumatına görə, futbolçu “Bursaspor”la səfər matçının iştirakçılarından olub.

Görüş meydan sahiblərinin 4:2 hesablı qələbəsi ilə yekunlaşıb. Start heyətində yer alan və 90 dəqiqə mübarizə aparan Ufuk Budak müdafiəçi olmasına baxmayaraq, yenə qol vurub. Budak 70-ci dəqiqədə hesab arasındakı fərqi 3-ə endirən qola imza atıb.

Bu, Ufukun “Bursaspor”a vurduğu 2-ci qoldur. Tərəflərin sentyabrın 30-da Əskişəhərdə keçirilən ilk matçında (3:0) futbolçumuz görüşdə yekun nöqtəni qoymuşdu. Bu ümumilikdə isə onun əvəzedici komandada fərqləndiyi 3-cü görüşdür.

Qeyd edək ki, 3-cü qrupda yer alan “Əskişəhərspor” 7 komanda arasında V pillədədir. “EsEs”in 9 xalı var.

• Ritsu Doan Səudiyyə Ərəbistanına getmədi – 17 milyon avroluq transfer son anda baş tutmadı
• Günün canlı yayımlanacaq matçları - TV AFİŞA
• DÇ-2026-nın qalmaqallı futbolçusu “Everton”da – 50 milyonluq transfer
• “Fənər”də ayrılıq - Dieqo Karlos İtaliya klubunda
• Bir dövrün sonu - MESSİ MİLLİDƏKİ KARYERASINI BAŞA VURDU