“Qəbələ”nin qış fasiləsində keçirəcəyi təlim-məşq toplanışının vaxtı dəqiqləşib. Apasport.az saytının əldə etdiyi məlumata görə, hazırda turnir cədvəlinin üçüncü sırasında qərarlaşan “qırmızı-qaralar” ötən illərdə olduğu kimi, yenə Türkiyənin Bələk bölgəsində hazırlıq keçəcək.

Əvvəllər hazırlıqlara Qəbələdə başlayan bölgə təmsilçisi bu dəfə Yuri Syominin istəyinə uyğun olaraq məşqlərə Türkiyədə start verəcək. Komandanın toplanışı 2 mərhələdən ibarət olacaq. İlk mərhələ yanvarın 5-də başlayıb, 16-da başa çatacaq. İkinci mərhələnin tarixi isə 20-27 yanvar tarixlərini əhatə edəcək. Yanvarın 17-19-u aralığındakı 3 gün isə futbolçuların istirahətinə sərf olunacaq.

Qeyd edək ki, komandanın toplanışın ilk mərhələsi zamanı daha çox fiziki hazırlığa diqqət yetirəcəyi gözlənilir. Növbəti mərhələ zamanı isə yoxlama oyunlarının keçirilməsi planlaşdırılır.

• Ritsu Doan Səudiyyə Ərəbistanına getmədi – 17 milyon avroluq transfer son anda baş tutmadı
• Günün canlı yayımlanacaq matçları - TV AFİŞA
• DÇ-2026-nın qalmaqallı futbolçusu “Everton”da – 50 milyonluq transfer
• “Fənər”də ayrılıq - Dieqo Karlos İtaliya klubunda
• Bir dövrün sonu - MESSİ MİLLİDƏKİ KARYERASINI BAŞA VURDU