“Barselona” ötən gün Çempionlar Liqasının qrup mərhələsinin V turu çərçivəsində səfərdə Hollandiyanın “Ayaks” klubuna 2:1 hesabı ilə məğlub olub. Apasport.az saytının məlumatına görə, oyundan sonra keçirilən mətbuat konfransında fikirlərini açıqlayan Kataloniya klubunun baş məşqçisi Xerardo Martino cari mövsümdəki ilk məğlubiyyətdən danışıb.

Argentinalı mütəxəssis komandasının oyunundan narazı qaldığını deyib: “Birinci hissədə dağınıq oyun nümayiş etdirdik. Öz oyunumuzu göstərə bilmədik və ilk 45 dəqiqəni 2 qolla məğlub tamamladıq. Fərdi oyunda da rəqibimizdən kifayət qədər geridə qaldıq. Sona yaxın öz oyunumuzu göstərsək də, istədiyimiz nəticəni əldə edə bilmədik. Hamımız bu gün (ötən gü) nələr baş verdiyi və bu zəif çıxışımızın səbəbi barədə düşünməliyik. Qrupdan çıxmağı təmin etmiş ola bilərik, amma xüsusilə də, birinci yarıdakı kimi çıxış qəbuledilməzdir”.

Qeyd edək ki, “Barselona” bu mövsüm heç bi rəsmi oyunda məğlub olmayıb.

• Ritsu Doan Səudiyyə Ərəbistanına getmədi – 17 milyon avroluq transfer son anda baş tutmadı
• Günün canlı yayımlanacaq matçları - TV AFİŞA
• DÇ-2026-nın qalmaqallı futbolçusu “Everton”da – 50 milyonluq transfer
• “Fənər”də ayrılıq - Dieqo Karlos İtaliya klubunda
• Bir dövrün sonu - MESSİ MİLLİDƏKİ KARYERASINI BAŞA VURDU