“Çelsi” ötən gün Çempionlar Liqasının qrup mərhələsinin V turu çərçivəsində səfərdə İsveçrənin “Bazel” klubuna 1:0 hesabı ilə məğlub olub. Apasport.az saytının məlumatına görə, İngiltərə təmsilçisi bu oyunda uduzsa, da qrupdakı digər - “Styaua” - “Şalke” (0:0) görüşünün nəticəsinə görə növbəti mərhələyə adlamaq şansını qazanıb.

Matçdan sonra keçirilən mətbuat konfransında açıqlama verən London klubunun baş məşqçisi Joze Mourinyo maraqlı fikirlər səsləndirib. Portuqaliyalı mütəxəssis milli komandaların oyunu ilə əlaqədar yaranmış fasilənin komandasına mənfi təsir etdiyini deyib: “Biz məğlubiyyətə layiq idik. Gecənin yeganə müsbət hadisəsi o idi ki, qrupdakı digər oyunun nəticəsinə görə biz növbəti mərhələyə vəsiqəni təmin edə bildik. Düşünürəm ki, bu gün komandam millilərin oyunu ilə əlaqədar yaranmış fasilənin güdazına getdi”.

Qeyd edək ki, “Çelsi” “Bazel”lə qrupdakı ilk oyunda da rəqibinə 1:2 hesabı ilə məğlub olmuşdu.

• Ritsu Doan Səudiyyə Ərəbistanına getmədi – 17 milyon avroluq transfer son anda baş tutmadı
• Günün canlı yayımlanacaq matçları - TV AFİŞA
• DÇ-2026-nın qalmaqallı futbolçusu “Everton”da – 50 milyonluq transfer
• “Fənər”də ayrılıq - Dieqo Karlos İtaliya klubunda
• Bir dövrün sonu - MESSİ MİLLİDƏKİ KARYERASINI BAŞA VURDU