Çempionlar Liqasının 1/8 final mərhələsinin daha bir iştirakçısı müəyyənləşib. Apasport.az saytının məlumatına görə, qrup mərhələsinin V turunun ilk oyun günü İngiltərənin “Çelsi” klubunun növbəti raunda adlaması ilə əlamətdar olub.

London təmsilçisi İsveçrənin “Bazel” klubuna 0:1 hesabı ilə uduzsa da, Almaniya “Şalke”sinin xal itkisi hesabına 1/8 finala yüksəlib. Rumıniya “Styaua”sı ilə qolsuz heç-heçə edən Helzenkirhen təmsilçisi “Çelsi”nin pley-offa yolunu açıb.

İndi 9 xalı olan Joze Mourinyonun yetirmələri E qrupunda ən azı 2-ci pilləni tutacaq. Çünki 89 xala malik “Bazel” və ondan minimal fərqlə geri qalan “Şalke” son turda öz aralarında oynayacaq. Bu isə o deməkdir ki, onlardan yalnız biri “Çelsi”ni keçə bilər.

İngiltərə təmsilçisi 1/8 finala vəsiqə qazanan 5-ci xoşbəxt olub. Bunadək “Atletiko”, “Barselona” (hər ikisi İspaniya), “Mançester Siti” (İngiltərə) və “Bavariya” (Almaniya) qrup mərhələsini uğurla keçmişdi.

• Ritsu Doan Səudiyyə Ərəbistanına getmədi – 17 milyon avroluq transfer son anda baş tutmadı
• Günün canlı yayımlanacaq matçları - TV AFİŞA
• DÇ-2026-nın qalmaqallı futbolçusu “Everton”da – 50 milyonluq transfer
• “Fənər”də ayrılıq - Dieqo Karlos İtaliya klubunda
• Bir dövrün sonu - MESSİ MİLLİDƏKİ KARYERASINI BAŞA VURDU