“Mən Braziliya mətbuatına müsahibə verməmişəm. “Xəzər Lənkəran”dan getməyim haqda isə ümumiyyətlə heç nə deməmişəm”. Bu sözləri apasport.az saytına açıqlamasında “Xəzər Lənkəran”ın qapıçısı Duqlas Leyte deyib.

33 yaşlı braziliyalı legioner qışda “Quarani”yə keçəcəyinə münasibət bildirib.

Duqlas bununla bağlı Braziliya mətbuatında peyda olan açıqlamasını təkzib edib: “Quarani” mənim keçmiş komandamdır. Onlar məni öz heyətlərində görmək istəyirlər. Bu komanda ilə bağlı xoş xatirələrim var. Buna münasibət bildirib demişəm ki, mənim üçün çox xoş xəbərdir. Orada həmişə sevə-sevə oynamışam və nə vaxtsa imkan olsa sevə-sevə də “Quarani”yə qayıdaram. Deməmişəm ki, gedərəm. Lakin nə vaxtsa yenidən həmin komandaya qayıda bilərəm”.

Qeyd edək ki, Leyte 2009-10-cu illərdə “Quarani”də 89 oyun keçirib.

• Ritsu Doan Səudiyyə Ərəbistanına getmədi – 17 milyon avroluq transfer son anda baş tutmadı
• Günün canlı yayımlanacaq matçları - TV AFİŞA
• DÇ-2026-nın qalmaqallı futbolçusu “Everton”da – 50 milyonluq transfer
• “Fənər”də ayrılıq - Dieqo Karlos İtaliya klubunda
• Bir dövrün sonu - MESSİ MİLLİDƏKİ KARYERASINI BAŞA VURDU