“Antalyaspor”a doğma azarkeşlərimiz önündə böyük hesabla məğlub olduğumuza görə məyusuq. Onlardan üzr istəyirik”. Apasport.az saytının məlumatına görə, bunu milli komandamızın və “Sivasspor”un hücumçusu Cihan Özkara deyib.

Dünən “Sivasspor” Türkiyə Superliqasının növbəti turunun açılış matçında “Antalyaspor”u evində qəbul edib. Ancaq gözlənilmədən Sivas təmsilçisi doğma azarkeşləri önündə 0:3 hesabı ilə məğlub olub.

Bu oyunun ikinci hissəsində meydana daxil olan Özkara qarşılaşma ilə bağlı fikirlərini bildirib: “Evimizdə qəza yaşadıq. Biz güclü komandayıq və qarşıdakı matçlarda yenidən özümüzü göstərəcəyik. Bütün futbolçular özünə güvənir”.

Qeyd edək ki, Cihan Özkara oyunun 67-ci dəqiqəsində Abdurrahman Dərəlinin yerinə daxil olub.

• “Real” Kamavinqa üçün qiymət qoydu – 70 milyon avro
• Talişka “Fənərbaxça”dan ayrılır – “Onu alqışlarla yola salacağıq”
• Ritsu Doan Səudiyyə Ərəbistanına getmədi – 17 milyon avroluq transfer son anda baş tutmadı
• Günün canlı yayımlanacaq matçları - TV AFİŞA
• DÇ-2026-nın qalmaqallı futbolçusu “Everton”da – 50 milyonluq transfer